fyrir
4
Eldunartími
50 mín.
Undirbúa
30 mín.
Samtals:
80 mín.
Innihald:
1 msk. olía
2 skalottlaukar, skornir smátt
4 hvítlauksgeirar, saxaðir
2 stk. límónugras, hvíti parturinn notaður eingöngu og skorinn smátt
1 gulrót, afhýdd og skorin smátt
1 stk. jalapenó-pipar,skorinn smátt
2 tsk. tómatpúrra
450 g tómatar, fræ fjarlægð og skornir gróflega
500 g langa, skorin í 3 cm bita, má nota annan hvítan fisk
100 g smjörbaunir,skornar í tvennt
1⁄2 - 1 tsk. sjávarsalt
2 msk. límónusafi,nýkreistur
1-2 msk. fiskisósa
1/4 hnefafylli dill, skorið gróflega
1/4 hnefafylli basilíkulauf,skorin gróflega
Leiðbeiningar
Í samstarfi við Gestgjafann.
Einföld og góð fiskisúpa sem rífur örlítið í, ef vill má minnka jalapenópiparinn eða sleppa alveg til að hafa súpuna mildari.
Hitið olíu í miðlungsstórum potti, bætið við skalottlauk, sítrónugrasi, gulrót og chili, eldið í u.þ.b. 5 mín.
Hrærið reglulega í pottinum og passið að blandan byrji ekki að brúnast.
Bætið við tómatpúrru og eldið í 12 mín. til viðbótar.
Bætið tómötum saman við og eldið áfram í 5 mín.
Hellið 1 lítra af vatni saman við og hitið blönduna að suðu.
Lækkið undir pottinum og setjið fiskibitana út í súpuna ásamt 1⁄4 tsk. af salti.
Látið malla í 2 mín. og bætið þá smjörbaunum saman við.
Eldið áfram í 2 mín. eða þar til fiskurinn er eldaður og baunirnar mjúkar.
Takið af hitanum og hrærið fiskisósu og límónusafa saman við, bragðbætið með meiri fiskisósu eftir smekk.
Hrærið kryddjurtum saman við rétt áður en súpan er borin fram
Samtals: