Grísabógur

Skerið pöruna/skinnið af bógnum ásamt óæskilegri fitu. Hægt er að setja pöruna til hliðar, skera í sneiðar, salta vel og hægelda í ofni þar til hún verður stökk, til að fá æðislegt pörusnakk.

Skerið nokkrar rákir í bóginn svo maríneringin og saltið komist betur inn í þykka kjötstykkið.

Saltið bóginn vel.

Útbúið maríneringuna með því að blanda öllu saman í skál. Hellið svo yfir kjötið og nuddið vel.

Leyfið kjötinu að marínerast í lágmark 2 klukkutíma en helst yfir nótt.

Hitið ofninn í 130°C.

Setjið bóginn í eldfast mót, steikarpott eða ofnskúffu og inn í ofn.

Eldið bóginn í 4 til 5 klukkutíma eða þar til ysta lagið hefur náð góðum lit og kjarnahitinn er 75°C. Líka er gott að elda kjötið í 6 til 9 klukkutíma, þar til kjarnahitinn nær 90-95°C ef þú vilt “pulled pork”.

Takið kjötið út og leyfið að hvíla í 10 mínútur. Sneiðið í þunnar sneiðar og best er að skera þvert á vöðvaþræðina.

Samloka

Helmingið stórar sneiðar af súrdeigsbrauði og smyrjið báðar hliðar með sinnepi.

Næst er það lag af skinku, svo gott magn af grísabóg.

Að lokum eru það sneiðar af súrum gúrkum og osti.

Þá er hægt að loka samlokunni og smyrja topp hliðina með smjöri.

Leggið samlokuna með smurðu hliðinni niður í miðlungsheita pönnu. Pressið samlokuna með annarri þungri pönnu eða potti. (Einnig er hægt að nota stórt samlokugrill)

Takið “pressupönnuna” af og smyrjið hina hliðina með smjöri og snúið samlokunni.

Pressið svo vel og steikið þar samlokan er heit í gegn og osturinn er bráðinn.

Skerið samlokuna í tvennt og berið fram.