Í samstarfi við Gestgjafann

Blandið ⅛ tsk. af kardimommum saman við örlítið salt og sáldrið yfir fiskinn.

Setjið til hliðar þar til fyrir notkun.

Rífið engifer og setjið í lítið sigti með skál undir.

Þrýstið á engiferið þannig að allur vökvinn leki úr í sigtið fyrir neðan. Það ætti að nást u.þ.b. 1 tsk. af vökva úr engiferinu, hendið restinni en haldið vökvanum.

Stífþeytið rjóma og blandið sýrðum rjóma, engifersafa og örlitlu salti saman við með sleikju.

Kælið engiferrjómann þar til fyrir notkun.

Blandið saman kryddjurtum, pistasíukjörnum, restinni af kardimommunum, límónuberki, límónusafa, chilialdin, 25 ml af ólífuolíu og u.þ.b. ⅛ tsk. af salti saman í skál og setjið til hliðar.

Hitið stóra pönnu með restinni af olíunni.

Steikið fiskinn á roðhliðinni í u.þ.b. 2 mín.

Snúið fiskinum við og steikið í u.þ.b. 1 mín. til viðbótar.

Berið bleikjuna fram með engiferrjóma, pistasíusalsa og límónubátum til að kreista yfir.