Brjótið eggin og aðskiljið eggjarauðurnar (hægt er að geyma eggjahvíturnar til að gera marens eða lakkrístoppa).

Bræðið smjörið á vægum hita. Hellið því svo í aðra skál svo það kólni örlítið.

Þeytið eggjarauðurnar með rafmagnsþeytara þar til eggjarauðurnar eru orðnar vel ljósar.

Hellið smjörinu út í eggjarauðurnar í lítilli bunu með þeytarann í gangi. Gerið þetta í nokkrum skrefum ekki of mikið í einu.

Setjið bearnaise essens, estragon og salt og pipar út í sósuna eftir smekk. Gott að byrja á litlum skammti.

Njótið með ljúffengri steik, kartöflum og grænmeti!