Fiskur

Skerið fiskinn í fallegar steikur, þerrið vel og veltið upp úr hveiti. Sláið á létt svo umfram hveitið detti af.

Hitið pönnu við háan hita, setjið olíu á hana, leggið fiskinn varlega á og steikið þar til hann er fallega gullinn á báðum hliðum.

Takið fiskinn af pönnunni og látið hvíla í 5 mín.

Ef fiskurinn fellur í flögur þegar ýtt er létt á hann er hann tilbúinn. Ef ekki þá er hann er ekki eldaður í gegn og þá þarf að setja hann í ofn.

Kryddið með pipar eftir smekk.

Berið fram með fenníku salati og hollandaise sósu.

Fennel salat

Hitið ofninn í 180°C

Skerið fenníkuna í þunnar sneiðar, setjið í skál, hellið ólífuolíunni yfir og kryddið með salti, pipar og sítrónusafa.

Dreifið fenníkuni á ofnplötu, setjið í ofninn á grillstillingu ef það er í boði og eldið þar til hún fer ögn að brúnast. U.þ.b. 10 mín.

Setjið fenníkuna í skál og dreifið söxuðu dilli yfir.

Hollandaise sósa

Bræði smjörið í potti á lágum hita.

Hitið vatn í potti sem hentar sem vatnsbað og lítil skál sem situr vel án þess að snerta yfirborð vatnsinns.

Þeytið eggjarauður og hvítvín í skálinni, setjið hana yfir vatnsbaðið og þeytið þar til fer að þykkna og þétt froða myndast. Passið að eggjarauðurnar of hitni ekki.

Takið skálina af hitanum og bætið smjörinu við í mjórri bunu meðan hrært er i eggjablöndunni.

Kryddið með salti, sítrónusafa og Cayenne pipar.