Í samstarfi við Gestgjafann

Bakan

Hitið ofninn í 180°C.

Vinnið allt hráefnið vel saman í matvinnsluvél þar til úr er orðið deig.

Ef blandan er of þurr má bæta við 1 matskeið af vatni.

Smyrjið vel lausbotna kökuform sem er um 22 cm í þvermál.

Þrýstið deiginu í botninn og með hliðunum á forminu.

Pikkið nokkrum sinnum með gaffli í deigið á botninum.

Bakið í um það bil 12 mínútur.

Látið bökuskelina kólna á meðan fyllingin er útbúin.

Súkkulaðifylling

Hitið rjómann að suðu.

Saxið súkkulaðið smátt og setjið í skál.

Hellið rjómanum yfir og látið standa í um 5 mínútur.

Hrærið vel saman þar til súkkulaðið hefur bráðnað og blandan er samfelld og glansandi.

Hrærið hlynsíróp, púðursykur, engiferduft og salt saman við og hellið blöndunni í bökuskelina.

Kælið í að minnsta kosti 4 klukkustundir.

Losið bökuna varlega úr forminu og skreytið hana með piparkökum, granateplafræjum og rósmaríngreinum.