Í samstarfi við Gestgjafann. Uppskrift: Valgerður g. Gröndal. Mynd: Gunnar Bjarki

Nautalundin

Leyfið lundinni að ná stofuhita.

Skolið hana og þerrið vel með eldhúspappír.

Snyrtið lundina, skerið sinina í burtu ef það hefur ekki verið gert.

Piprið kjötið með nýmöluðum svörtum pipar.

Brjótið mjórri endann á lundinni upp þannig að hún verði jafnþykk á að líta.

Vefjið henni þétt í plastfilmu; það þarf nokkur lög af henni svo það leki ekkert í gegn af kjötsafa.

Hitið ofninn í 60°C og bakið lundina í ofninum í 2 klst. Óþarfi er að nota kjöthitamæli þar sem kjötið mun ekki ná hærri hita en 60°C.

Hitið grillið í 250°C.

Takið lundina úr plastinu og saltið vel með sjávarsalti.

Heilgrillið lundina á grillinu yfir beinum hita þar til hún hefur brúnast vel.

Takið hana af grillinu og leyfið að hvíla í 10 mín.

Skerið í sneiðar og njótið með bökuðum kartöflum, bernaise-sósu og jafnvel fersku salati.

Bakaðar kartöflur

Hitið ofninn í 200°C.

Stingið gat á kartöflurnar á nokkrum stöðum með gaffli og setjið þær í eldfast mót.

Bakið kartöflurnar í 1 klst.

Þær eru tilbúnar þegar hægt er að stinga beittum hníf í þær án mótstöðu.

Bakið lengur ef þær eru mjög stórar.

Bernaise-sósa

Bræðið smjörið á vægum hita.

Um leið og smjörið er bráðið hrærið þá nautakraftinn saman við og takið af hitanum.

Setjið vatn í lítinn pott og setjið eggjarauð- urnar í hitaþolna skál.

Hitið vatnið að suðu og lækkið þá strax niður.

Setjið skálina með eggjarauðunum yfir og þeytið rauðurnar með handþeytara.

Þeytið þar til eggjarauðurnar eru orðnar léttar í sér og ljósar að lit.

Takið þá pottinn af hellunni.

Setjið brætt smjörið í mælikönnu og hellið út í rauðurnar í mjórri bunu.

Hrærið með þeytaranum á meðan þar til smjörið klárast úr könnunni. Þetta tekur um 5 mín.

Bætið að lokum bernaise-essence og estragoni saman við og smakkið til með salti og pipar. Auðvelt er að hita sósuna upp aftur með því að velgja hana yfir vatnsbaði.

Öllu hrært saman í skál og sett til hliðar.