fyrir

4

Uppáhalds

Eldunartími

30 mín.

Undirbúa

60 mín.

Samtals:

90 mín.

Linsubaunaréttur með naan brauði að hætti Lindu Ben

Innihald:

Linsubaunaréttur

1 laukur

1 msk smjör

4 hvítlauksrif

2 cm engifer

1 ½ tsk paprikukrydd

1 tsk cumin krydd

1 tsk túrmerik

¼ tsk cayenne pipar

1 tsk salt

¼ tsk svartur pipar

300 g linsubaunir

2 dósir (800 g) niðursoðnir hakkaðir tómatar

1 liter vatn

2 dósir (800 ml) kókosmjólk

2 kjúklingateningar (eða grænmetisteningar)

Safi úr ½ – 1 lime

Hreint grískt jógúrt

Naan brauð

150 ml vatn

2 tsk þurrger

2 tsk sykur

50 g smjör

330 g gróft hveiti

1/2 tsk salt

50 ml (1/2 dl) hrein AB-mjólk

150 g rifinn mozzarella (má sleppa)

Garam masala

Sjávar salt

Leiðbeiningar

Linsubaunaréttur

1

Skerið laukinn og steikið upp úr smjöri í stórum potti, helst steypujárnspotti ef þið eigið hann til.

2

Rífið hvítlauksrifin og engiferið út á og steikið með.

3

Setjið kryddin út á pottinn og hrærið.

4

Setjið hökkuðu tómatana út á pottinn.

5

Skolið linsubaunirnar og bætið út á pottinn, hrærið öllu vel saman.

6

Bætið vatninu, kókosmjólkinni og kjúklingateningunum út á, leyfið öllu að malla saman við vægan hita í u.þ.b. 30 mín eða þar til linsubaunirnar eru orðnar mjúkar og góðar og rétturinn þykknað hæfilega.

7

Berið fram með hreinu jógúrti, lime og naan brauði.

Naan brauð

1

Blandið þurrgeri og sykri út í vatnið.

2

Bræðið smjörið og leyfið því að kólna örlítið.

3

Setjið hveiti í skál og blandið saman við gervatninu, saltinu, ab-mjólkinni og brædda smjörinu. Hnoðið deiginu saman.

4

Leyfið deiginu að hefast í 30-60 mín.

5

Skiptið deiginu og rifna ostinum í 6 hluta, ef þið viljið bæta við osti þá hnoðið þið rifna ostinum inn í hvern hluta af deigi og fletjið svo hlutana út.

6

Kryddið deigið með garam masala og sjávar salti.

7

Steikið deigið á pönnu upp úr 1 msk af smjöri á hvorri hlið.

8

Berið brauðið fram heitt.