Blandið saman í skál hveiti, geri, sykri og salti.

Bætið eggjum, mjólk (við stofuhita), vanilludropum og bráðnu smjöri (sem er aðeins búið að kólna) saman við og hrærið hægt og rólega saman þar til deig byrjar að myndast.

Hækkið svo hraðann á hrærivélinni í miðlungshraða og hrærið í 5-8 mínútur þar til deigið er orðið þétt og fallegt.

Setjið plastfilmu yfir skálina og látið deigið lyfta sér við stofuhita í 1-2 klukkutíma eða þar til það er orðið tvöfalt að stærð.

Smyrjið kökuform með smá smjöri svo deigið festist ekki við.

Hnoðið deigið á hveitistráðu borði og skiptið deiginu niður í litlar kúlur.

Dýfið hverri deigkúlu í bráðið smjör og rúllið svo uppúr kanilsykrinum og setjið í kökuformið þar til formið er fullt og deigkúlurnar búnar.

Setjið viskustykki eða plastfilmu yfir og geymið við stofuhita í 20 mínútur.

Útbúið púðursykurssósuna með því að blanda saman bráðnu smjöri og púðursykri.

Hellið svo sósunni yfir deigkúlurnar.

Hitið ofninn í 180 C og bakið í 30-40 mínútur.

Takið úr ofninum og látið standa í 5 mínútur áður en þið hvolfið úr kökuforminu og á kökudisk.

Skreytið með hvítum glassúr og jafnvel fræjum úr granateplum fyrir smá auka jólagleði.

Njótið þess að gúffa smá jólagúmmelaði á aðventunni.