Gott, betra, lífrænt

Því allt gott er enn betra lífrænt

Góð hráefni gera góðan mat, og lífræn hráefni gerir góð hráefni enn betri.

Við hjá Krónunni viljum gera lífrænt aðgengilegt og einfalt val fyrir alla. Þess vegna höfum við tekið saman úrval af lífrænum vörum sem passa inn í hversdaginn, hvort sem þú ert að elda kvöldmatinn frá grunni, vantar eitthvað fljótlegt í hádeginu eða vilt bara velja aðeins betur.

Lífræn matvæli eru framleidd með meiri áherslu á náttúrulegar ræktunaraðferðir, minni notkun tilbúinna varnarefna og áburðar og virðingu fyrir náttúrunni og dýravelferð. Með því að velja lífrænt styður þú framleiðsluhætti sem taka meira tillit til umhverfisins. Það þarf ekki að breyta öllu en að velja lífrænt er einföld leið til að gera aðeins betur, bæði fyrir þig og umhverfið.

Gott pasta byrjar á góðu korni

Pastað okkar er framleitt á Ítalíu úr 100 prósent ítölsku durum hveiti. Fyrirtækið er fjölskyldurekið og rekur sína eigin myllu sem gerir þeim kleift að fylgjast með hráefninu allt frá akri að borði.

Pastað kemur í 100 prósent pappírsumbúðum með náttúrulegu bleki sem eru að fullu endurvinnanlegar.

Tómatar með sögu

Góð tómatsósa byrjar á góðum tómötum. Sósurnar eru framleiddar á Ítalíu úr 100 prósent ítölskum tómötum og stærsti hluti hráefnisins er ræktaður á eigin ökrum fyrirtækisins, sem tryggir skýran rekjanleika frá ræktun og að borði.

Að baki framleiðslunni stendur fyrirtæki á Sikiley í eigu kvenna sem leggja áherslu á ítalskar hefðir og nútímalega framleiðslu.

Hágæðaolíur

Góður grunnur er mikilvægur fyrir góða rétti. Þess vegna er úrvalið fjölbreytt og hver olía hefur sinn tilgang.

Jómfrúarólífuolía er rík af einómettuðum fitum og hefur ríkulegt miðjarðarhafslegt bragð. Hún er fullkomin til að setja yfir matinn og klára réttinn.

Avókadóolía er einnig rík af einómettuðum fitum en hefur hlutlaust bragð sem hentar vel til matargerðar og eldunar.

Hörfræolía er rík af fjölómettuðum fitum og omega 3. Hún nýtur sín best óhituð, til dæmis yfir salat, graut eða annan mat.

Hreinir ávextir

Góður safi þarf ekki að vera flókinn. Hér er áherslan á ávextina sjálfa og náttúruleg hráefni, án gervibragðefna.

Safarnir eru framleiddir á Ítalíu og margir þeirra eru úr 100 prósent ítölskum ávöxtum og ekki úr þykkni. Þar sem ekki allar tegundirnar uppfylla bæði skilyrðin leggjum við áherslu á það sem þær eiga sameiginlegt; einföld og náttúruleg hráefni.