Framhald í næsta poka var samstarfsverkefni Krónunnar og Hönnunarmars þar sem gamlir taupokar viðskiptavina okkar eignuðust nýtt og spennandi framhaldslíf. Pokunum, ásamt öðru gömlu efni frá Krónunni, var komið í hendur Stúdíó Fléttu, sem hönnuðu nýja, vandaða og eftirtektaverða taupoka.
Markmið verkefnisins var að vekja athygli á deilihagkerfi Krónunnar, taktu poka – skildu eftir poka, sem gerir viðskiptavinum kleift að koma með gamla poka að heiman fyrir aðra viðskiptavini sem gleyma sínum poka. Þetta sjálfbæra hagkerfi kemur í veg fyrir framleiðslu á nýjum pokum, og sparar þannig bæði mikilvægar auðlindir og orku.
Kíktu á myndbandið til að heyra meira frá ferlinu!
Eru fjölnotapokar að safnast upp á heimilinu?
Pokastöðvar eru staðsettar við afpökkunarborð sem eru alla jafna við inngang verslana okkar. Hver poki skiptir máli – takk fyrir að leggja þitt af mörkum!
Stúdíó Flétta
Stúdíó Flétta er hönnunarstúdíó sem leggur áherslu á staðbundna framleiðslu og fullnýtingu hráefna sem fara annars til spillis. Með því að nýta og endurhanna gamla taupoka varpar Stúdíó Flétta ljósi á verðmætasköpun og stíga mikilvæg skref í hringrásarhagkerfinu.
Með umhverfismál, tilraunastarfsemi og gleði í fararbroddi í hönnunarferlinu hefur Stúdíó Flétta orðið eitt áhugaverðasta hönnunarstúdíóið á Íslandi.
