Krónumót Tinds og Hjólaskólans

Krónan, hjólaklúbburinn Tindur og Hjólaskólinn halda laugardaginn 5. september, skemmtilegasta hjólamót ársins: Krónuhjólamótið - hjólamót fyrir hressa krakka á aldrinum 2-12 ára. Mikið fjör og hjólagleði - Allir velkomnir!

Mæting er hjá Perlunni í Öskjuhlíð, fyrsta start verður kl. 10:00 fyrir yngstu kynslóðina á sparkhjólunum og svo taka eldri flokkar við eftir það. Hjólað er í aldursflokkum. Börn á aldrinum 6 -12 ára hjóla ca. 2 km langan hring í Öskjuhlíðinni og eru hringirnir svo mismargir eftir aldri/flokki.

ATH: Hjálpardekk og rafmagnsknúin hjól eru ekki leyfð.

Krónan mun gefa öllum þátttakendum verðlaunapeninga auk þess sem allir þátttakendur fá glæsilega gjöf að lokinni keppni. Verðlaun verða veitt fyrir þrjú efstu sætin í kvk og kk flokki í elsta aldursflokknum U13.

Krónuhjólið verður á staðnum með gómsæta hressingu í boði fyrir börnin. BMX brós mæta á svæðið og hefst sýningin þeirra um kl. 11:00. Við hvetjum alla til að missa ekki af þessari skemmtilegu sýningu.

ATH: Ekki er hægt að skrá sig á staðnum.

Skráningu lýkur kl 12:00 á föstudaginn 5. september. Takmarkað pláss.

Hlökkum til að sjá ykkur!