fyrir
8
Eldunartími
75 mín.
Undirbúa
15 mín.
Samtals:
90 mín.
Innihald:
1 stk. baguette snittubrauð
1 pakki Krónu beikon
6 stk. laukur
1 stk. hvítlaukur, saxaður
1-2 msk. ferskt timjan, saxað
1/2 dl graslaukur, saxaður
1-3 tsk. Oscar nautakjötkraftur
1-2 msk. dökkur sósujafnari
1 msk. rauðvínsedik
2 tsk. soya sósa
1/2 tsk. svartur pipar
250 ml rjómi
200 g af gouda osti, rifinn
1/2 dL parmesan ostur, rifinn
1 msk. ólífuolía
500 ml vatn
Salt eftir smekk
Leiðbeiningar
Að hætti Víðis Hólm
Skerið lauk í ræmur. Saxið hvítlauk, ferskt timjan og graslauk, setið svo til hliðar.
Setið laukinn í pott og hellið vatni yfir þar til hann ef hálf hulinn. Sjóðið laukinn og hrærið þar til að vatnið hefur gufað upp.
Hellið ólífuolíu út í og eldið á miðlungshita í 30-60 mínútur og hrærið reglulega þar til hann er létt karmeliseraður og brúnn (gott er að hafa vatn á kantinum til að leysa upp og skafa ef eitthvað skyldi festast við botninn á pottinum).
Leggið beikonsneiðar á ofnplötu með bökunarpappír, setjið inn í kaldan ofn og stillið á 180°C og blástur.
Takið beikonið út þegar það er eldað og dökkt. Þerrið með eldhúspappír og skerið í bita.
Bætið í pottinn hvítlauknum ásamt rauðvínsediki og eldið.
Þegar laukurinn er brúnaður og hvítlaukurinn orðinn mjúkur hellið þá 500ml af vatni í pottinn. Bætið við nautakrafti eftir smekk.
Bætið við timjan, svörtum pipar og soya. Passið upp á saltmagnið, því beikon, kraftur og soya er allt mjög salt.
Leyfið sósunni að krauma létt og bætið við rúmlega 200ml af rjóma.
Bætið við sósujafnara eftir þörfum og hrærið vel. Leyfið að malla rólega þar til sósan er þykk og rjómakennd meðan þið smakkið til.
Skerið eða rífið baguette í munnbita.
Blandið saman brauðinu, beikoninu og sósunni. Dreifið svo í eldfast mót.
Hellið örlítið af rjóma yfir. Rífið 200g af osti ásamt parmesan eftir smekk og toppið réttinn.
Hendið inn í 180°C heitan ofn í u.þ.b. 15-20 mín og takið út þegar osturinn er bráðinn og brúnaður.
Toppið með söxuðum graslauk og berið fram.
Samtals: