Hvað getum við gert skemmtilegt saman?
Við elskum að framkvæma skemmtileg verkefni með okkar frábæru viðskiptavinum. Árlega veitum við styrki í nærumhverfi verslana Krónunnar sem hafa það markmið að efla heilsu og hreysti barna. Hjá Krónunni er hægt að sækja um samfélagsstyrk, jóla
styrk og sölu á góðgerðarvörum í Krónunni. Við erum spennt að heyra allt um verkefnið þitt og hvetjum þig til að sækja um þegar við opnum fyrir styrktarumsóknir.
Allar almennar styrktarbeiðnir berist á styrkir@kronan.is
Jólastyrkur Krónunnar
Í nóvember ár hvert geta góðgerðarsamtök sem sjá um matarúhlutanir í sínu nærsamfélagi sótt um jólastyrk fyrir matarúttektum í Krónunni. Jólastyrkjum er úthlutað í desember. Um jólin geta viðskiptavinir okkar líka styrkt góðgerðarmálefni sem sjá um matarúthlutanir með því að velja hjartað á kassa, sjálfsafgreiðslu og í Snjallverslun Krónunnar. Í lok greiðsluferils gefst viðskiptavinum tækifæri á að hækka matarkörfuna um upphæð sem nemur 500 kr. sem rennur beint í matarúthlutanir í því hverfi sem verslað er í. Krónan jafnar svo upphæð þess sem safnast frá viðskiptavinum.
Samfélagsstyrkur Krónunnar
Stefna Krónunnar er að styrkja verkefni sem hvetja til hreyfingu og hollustu barna og/eða uppbyggingar í samfélaginu, t.d á sviði menningar og lista eða menntunar. Opið er fyrir styrktarumsóknir í maí ár hvert en umsóknarfrestur er til og með 31. ágúst. Í kjölfarið er farið yfir umsóknir og er styrkjum síðan úthlutað í nóvember.
Samfélagsstyrkur - úthlutanir 2023
Jólastyrkur - úthlutanir 2023
Sala á góðgerðarvörum í Krónunni
Við viljum láta gott af okkur leiða og gefa góðgerðasamtökum og félagssamtökum tækifæri á að selja styrktarvörur í Krónunni. Hægt er að sækja um sölu á styrktarvörum með því að fylla út eyðublaðið hér að neðan. Í kjölfarið er farið yfir umsóknir og góðgerðafélögum úthlutuð tímabil sem ganga upp í dagatali Krónunnar.
