„Sticky“ chili og balsamedik hjúpaðir kjúklingavængir

  , ,   ,

apríl 5, 2016

Þessir stökku og klístruðu kjúklingavængir er frábært að borða - verið bara viss um að munnþurrkurnar séu ekki langt undan - vængirnir passa ekki við snyrtilega borðsiði!

  • Matur fyrir: 2

Hráefni

½ búnt af ferskri basilikku

4 hvítlauksgeirar

Jamie Oliver Balsamic Vinegar of Modena

Jamie Oliver Everyday Olive Oil

6 kjúklingavængir

100 gr. fínmalað semolina hveiti

1 ferskur rauður chili

2 lítrar olía

50 ml. Jamie Oliver Sticky Chilli & Balsamic Drizzle

30 gr. klettasalat

1 stk. sítróna

sjávarsalt og nýmalaður svartur pipar

Leiðbeiningar

1Tínið blöðin af basilikkunni og setjið til hliðar. Grófsaxið stilkana og setjið í skál. Kremjið hvítlaukinn í pressu ofan í skálina og bætið svo vænum skammti af balsamikedikinu, smávegis af ólífuolíu og því næst klípu af salti og pipar. Setjið kjúklingavængina út í skálina og hrærið þar til þeir eru alveg þaktir blöndunni. Lokið þá skálinni og leyfið kjötinu að marinerast í ísskápnum í að minnsta kosti klukkustund.

2Dreifið semolina hveitinu á bakka. Látið marineringuna sem verður afgangs drjúpa af vængjunum og veltið þeim upp úr hveitinu. Á meðan beðið er eftir að vængirnir nái stofuhita er gott að snúa þeim nokkrum sinnum við í hveitinu. Fræhreinsið chili-piparinn og fínsaxið ásamt basilikkublöðunum.

3Hellið grænmetisolíunni í djúpan þykkbotna pott og setjið á háan hita. Hafið tangir og tvær skálar við hendina. Setjið nokkur blöð af eldhúspappír í aðra skálina, í hina skálina eru saxaða basilikkan og chili-piparinn sem ásamt Sticky Chilli & Balsamic Drizzle-sósunni.

4Hitið olíuna þar til hún nær um 180 gráðu hita - ef hitamælir er ekki í boði má miða við að brauðmoli þurfi um þrjár mínútur til að brúnast í olíunni. Takið upp kjúklingavæng með töngunum og hristið óþarfa hveiti af honum. Leggið hann varlega í heita olíuna (passið að ekki skvettist), bætið svo restina af vængjunum í pottinn og látið sjóða í 3-4 mínútur, eða þar til þeir fá á sig gullinbrúnan lit og eru eldaðir í gegn.

5Fjarlægið vængina varlega úr pottinum, einn í einu, og látið fituna renna af í skálinni með eldhúspappírnum. Eftir 1-2 mínútur eru þeir settir í hina skálina og velt varlega upp úr bragðmikilli sósunni. Berið fram með klettasalati og kreistið sítrónubáta yfir.

„Það þarf ekki að vera flókið að matreiða. Með bara örlítilli þekkingu er einfalt að elda bragðgóðan mat. Það er engin ástæða til að óttast að prófa!“ - Jamie Oliver

00:00

0 Umsagnir

All fields and a star-rating are required to submit a review.

Aðrar uppskriftir

Sætkartöflu mús

Basilkjúklingur með mjúku penne pasta og rifnum parmesanosti

Næringaríkt ofurboozt

Leita að uppskriftum