Heimagerðir kjúklinganaggar með sætkartöflufrönskum

  ,

ágúst 18, 2017

Í þessum rétti er allt það besta og toppað með jógúrt kryddjurtasósu.

  • Matur fyrir: 4

Hráefni

800 g kjúklingalundir

2 egg

2 dl hveiti

2 dl brauðrasp

2 tsk. ítalskt jurtakrydd

2 sætar kartöflur

3 msk. kartöflumjöl

250 g grískt jógúrt

3 msk. ferskur sítrónusafi

2 msk. saxaður graslaukur

2 msk. söxuð steinselja

2 msk. saxað kóríander

1 msk. söxuð mynta

Leiðbeiningar

1Hitið ofninn í 180°c og leggið bökunarpappír í ofnskúffu. Takið fram tvo diska og eina skál. Hrærið eggin saman í skálinni. Setjið brauðraspið á annan diskinn en hveitið, salt, pipar og ítalska kryddið á hinn.

2Saltið og piprið kjúklinginn. Takið nokkrar kjúklingalundir í einu og veltið uppúr hveitinu. Dýfið þeim svo ofan í eggin og að lokum veltið þeim upp úr brauðraspinu. Leggið kjúklingalundirnar á bökunarpappírinn og eldið í ofni í um 15 mínútur. (Á meðan er gott að undirbúa sætkartöflufranskarnar). Áður en kjúklingalundirnar eru bornar fram, steikið þær í olíu í 1-2 mínútur eða þangað til að þær eru orðnar gullinbrúnar.

3Sætkartöflufranskar: Hitið ofninn í 225 gráður og leggið bökunarpappír á ofnskúffu. Skolið af sætu kartöflunum og skerið þær í strimla. Leggið kartöflurnar í skál, bætið við ólífuolíu og salt og pipar og blandið öllu saman. Bætið kartöflumjölinu saman við kartöflurnar og blandið saman með höndunum. Leggið kartöflurnar á bökunarpappír og leggið inn í ofn í 20-30 mínútur.

4Kryddjurtasósa: Blandið öllum hráefnunum saman í skál og berið fram.

Þessi uppskrift er frá Jennifer Berg hjá Glamour, http://www.visir.is/f/glamour. 

00:00

0 Umsagnir

All fields and a star-rating are required to submit a review.

Aðrar uppskriftir

Tagliatelle með kjúkling, sveppum og piparostasósu

Þunnbotna parma pizza með rucola, tómötum og osti

BBQ Oumph! salat með mæjónesi

Leita að uppskriftum