Gulrótarbollakökur með rjómaostakremi

  , ,   

júlí 12, 2017

Í þetta skipti deilum við með ykkur uppskrift af gulrótarbollakökum. Kökurnar eru hættulega góðar á bragðið. Þessa uppskrift er þó hægt að nota til að búa til klassíska tveggja hæða gulrótarköku. 

  • Matur fyrir: 14-16 bollakökur

Hráefni

6 dl. hveiti

2 1/2 dl. sykur

3 tsk. lyftiduft

1 1/2 tsk. matarsódi

1 msk. kanill

Örlítið salt

4 dl. Oatly haframjólk

2 tsk. vanilludropar

1 1/4 dl. olía

1 msk. eplaedik

5 dl. rifnar gulrætur

1 dolla Sheese rjómaostur, hreinn

100 g Krónusmjörlíki

2-3 tsk. vanilludropar

1 pakki flórsykur (500 g)

Leiðbeiningar

1Blandið saman öllum þurrefnunum í skál.

2Hrærið haframjólkinni, vanillunni, olíunni og edikinu saman við þar til alveg kekklaust.

3Rífið gulræturnar og blandið þeim vel saman við.

4Setjið deigið í bollakökuform eða tvo kringlótt form og bakið í 20-25 mínútur í 180°C heitum ofni. Leyfið kökunum að kólna alveg áður en að kremið er sett á.

5Til að gera kremið þá byrjið á því að þeyta rjómaostinn aðeins einan og sér í hrærivél. Bætið þar næst smjörlíkinu og vanilludropunum útí og þeytið aðeins saman við. Setjið síðast flórsykurinn og þeytið kremið þar til fallega slétt og fínt.

6Smyrjið eða sprautið kreminu á bollakökurnar eða botnana og njótið. Við stráðum aðeins af valhnetum yfir kökurnar og fannst það koma alveg æðislega út.

Uppskriftin er frá Veganistum, http://www.veganistur.is/

00:00

0 Umsagnir

All fields and a star-rating are required to submit a review.

Aðrar uppskriftir

Ananasfrómas

BBQ eðlan

Góð kjúklingasúpa með hnetusmjöri og rauðu karrý

Leita að uppskriftum