Fullkomin sumarterta með marengs

  ,

ágúst 31, 2017

Það er ekki hægt að horfa fram hjá þessari dýrindis tertu. Fersk, litrík og ótrúlega bragðgóð.

Hráefni

75 g smjörlíki, stofuhiti

2 dl flórsykur

5 eggjarauður

1 1/2 dl hveiti

1 1/2 tsk. lyftiduft

4 msk. mjólk

5 eggjahvítur

2 1/2 dl sykur

1 dl möndluflögur

5 dl rjómi

3 dl afþýdd hindber

Leiðbeiningar

1Svampbotn: Hitið ofninn í 180 gráður og stillið á blástur. Leggið bökunarpappír á ofnskúffu eða í stórt eldfast mót (30x40cm), smyrjið bökunarpappírinn með smá smjöri. Í hrærivél blandið saman smjörinu og flórsykrinum, þangað til að þið hafið fengið mjúka áferð. Hrærið síðan einni eggjarauðu í einu saman við deigið.

2Blandið saman hveitinu og lyftiduftinu og hrærið síðan saman við deigið og að því loknu bætið þið við mjólkinni. Leggið degið á bökunarpappírinn og fletjið út með sleikju svo að deigið sé jafnt.

3Marens: Hrærið saman eggjahvíturnar með 1 dl af sykrinum fyrst en bætið svo við 1 dl af sykri og hrærið þangað til að marensinn er orðinn stífur. Smyrjið marensinum yfir allan svampbotninn. Stráið svo möndluflögunum yfir marensinn. Bakið í neðri hluta ofnsins í um 20 mínútur. Takið tertuna út úr ofninum og látið kólna.

4Fylling: Hrærið saman rjómanum og 1/2 dl sykri og blandið síðan hindberjunum saman við. Skiptið tertunni í tvennt. Leggið annan hlutann á diskinn sem þið ætlið að bera tertuna fram í og látið marensinn snúa upp. Smyrjið hindberjarjómanum ofan á tertuna og leggið síðan hinn helminginn af tertunni ofan á svo að úr verði samloka. Skreytið kökuna með meira af berjum ef þið viljið. Berið kökuna fram og njótið.

Þessi uppskrift er frá Jennifer Berg hjá Glamour, http://www.visir.is/f/glamour.

00:00

0 Umsagnir

All fields and a star-rating are required to submit a review.

Aðrar uppskriftir

Þorskur að hætti Jamie Oliver

Sweet chilli núðluréttur með kjúklingi

Bragðmikið hvítlauks- og ólífupasta með balsamediki

Leita að uppskriftum