Samfélagsskýrsla Krónunnar
- Umhverfið
- Lýðheilsa
- Upplýst val
Við fögnum því að gefa út samfélagsskýrslu Krónunnar í annað sinn. Við viljum hafa áhrif til góðs og sýna samfélagslega ábyrgð í verki – alltaf. Í góðu samstarfi við frábært starfsfólk okkar höfum við sýnt samfélagsábyrgð í verki. Það er því ekki ákveðinn starfsmaður eða deild sem sinnir samfélagslegri ábyrgð fyrir okkar hönd, heldur allt Krónuliðið sem hefur aðkomu, sem skilar sér í fjölmörgum tillögum og aðgerðum á sviði lýðheilsu og umhverfismála. Þar hefur einlægur áhugi starfsmanna og svo samtöl við allt okkar fólk, birgja og viðskiptavini leikið lykilhlutverk.
Hér er hægt að lesa samfélagsskýrslu Krónunar 2020 í heild sinni.
Hér fyrir neðan má sjá stiklað á stóru úr skýrslunni.
Pssst… Sjá eldri skýrslu hér:
HVER VORU MARKMIÐIN 2020?
BREYTT KÆLIKERFI
Allar nýjar verslanir sem opnaðar voru á árinu 2020 eru með CO2 vistvæn kælikerfi. Farið var í útskipti að hluta í verslunum í Jafnaseli, Flatahrauni, Selfossi, Mosfellsbæ, Lindum, Bíldshöfða og Granda.
AUKIN LÝÐHEILSA – MEÐ HOLLUSTU Á HEILANUM
Krónan seldi 18% minni sykur á hvern lítra drykkja, frá Coca Cola European Partners, en aðrar matvöruverslanir. Aukning varð í sölu í grænmetis- og ávaxtadeildinni okkar milli ára sem nemur 20%. Við seldum 8 milljónir banana og 300 tonn vínberja.
UPPLÝST VAL – MJÖG MJÖG MERKILEG MERKI!
Allir hilluverðmiðar í Krónuverslunum og Snjallverslun sýna nú ekki aðeins verðið á vörunni heldur líka hvað einkennir hana, t.d. vegan, lífræn, umhverfisvæn, inniheldur ofnæmisvaldandi efni og svo framvegis.
BLESS BLESS PLASTBURÐARPOKAR
Í október hættum við alveg með plastburðarpoka og nú einblínum við á fjölnota poka. Pappapokar eru þó til sölu því það kemur fyrir alla að gleyma pokunum heima. Þrátt fyrir 19% söluaukningu í verslunum okkar varð samdráttur í sölu einnota burðarpoka um 19% á sama tímabili.
ENDURVINNA ALLT PLAST Á ÍSLANDI
Frá lokum árs 2020 hefur allt plast verið endurunnið í samstarfi við Pure North í Hveragerði. Allt plast frá okkur er því endurunnið á Íslandi. Áður flokkuðum við einungis hreint plast en nú flokkum við allt plast, líka óhreina kjötplastið.
SVANSVOTTUN ALLRA VERSLANA KRÓNUNNAR
Í lok árs 2020 náðum við þeim langþráða áfanga að allar verslanir okkar hlutu Svansvottun. Krónan er því fyrsta matvöruverslunarkeðjan á Íslandi með slíka vottun.
FLOKKUNARMARKMIÐIN
Allar verslanir okkar náðu flokkunarmarkmiði ársins og það sem meira er, þá náðu 89% verslana flokkunarmarkmiði ársins 2021, sem er 65% endurvinnsluhlutfall. Flokkari ársins er Krónan á Selfossi sem náði 87%
endurvinnsluhlutfalli.
MARKMIÐ ÁRSINS 2021:
- Fá fleiri birgja í Síðasta séns samstarfið. Draga enn frekar úr matarsóun. Í dag eru 65% matvæla seld, sem annars væri hent.
- Fyrir lok árs verði 71,4% heildarrýma verslana lýst með LED lýsingu og fyrir lok árs 2023 séu 100% heildarrýma LED lýst.
- Bjóða nýjar umbúðalausar vörur á árinu.
- Hætta alveg notkun á frauðplasti í kjötborði fyrir lok árs.
- Halda betur utan um starfsfólk í tengslum við lýðheilsu. Stefnum að því að mæta þeim með sálfræðistyrk, auka samgöngustyrk sem og íþróttastyrkinn.
- Allir kælar í nýrri verslunum Krónunnar eru lokaðir, nema í ávaxta- og grænmetisdeild og í kjötborðinu. Markmið okkar er að loka einnig kælum í öðrum verslunum til að spara orku.
- Draga úr sölu á vatni í plastumbúðum í verslunum okkar með uppsetningu vatnskrana Fyrsti kraninn verður settur upp í verslun Krónunnar á Granda.
- Hefja sjálfbærnimat á birgjum til að meta umhverfisáhrif þeirra. Það er hluti af því að meta umfang 3 í kolefnislosun Krónunnar
- Viðhalda og uppfæra fræðslu í Krónuskólanum í takt við þær breytingar sem eiga sér stað.
- Jafna kynjahlutfall í stjórnendateymi Krónunnar.
- Minnka plast enn frekar í ávaxta- og grænmetisdeild án þess að valda aukinni matarsóun.
- Á árinu 2021 hefjum við undirbúning þess að efla enn frekar miðlun vöruupplýsinga til viðskiptavina: birta m.a. upplýsingar um umbúðir varanna til að einfalda sorpflokkun.
- Auka samtal við viðskiptavini um næstu verkefni í umhverfismálum.
- Svara óskum og eftirspurn um meira úrval á vegan vörum.
ÁRANGURINN HINGAÐ TIL:
…FYRIR UMHVERFIÐ?
Allar verslanir Krónunnar Svansvottaðar
Í desember 2020 svansvottuðum við allar verslanir Krónunnar. Svansvottun er opinbert og vel þekkt umhverfismerki á Norðurlöndunum sem er meðal annars með það markmið að lágmarka umhverfisleg áhrif á neyslu og framleiðslu vara.
Kveðjum plastburðarpoka
Í október 2020 hættum við notkun einnota plastburðarpoka en við höfum verið að leggja drög að þessu allt frá því að Alþingi samþykkti frumvarp umhverfisráðherra um plastpoka. Samkvæmt því er verslunum óheimilt að selja plastpoka frá og með 1. janúar 2021. Með þessu erum við að leggja áherslu á notkun fjölnotapokanna.
LÍFRÆN FLOKKUN JÓKST UM 105 TONN…
og við hendum minna.
ÞESSI LOKAÐA TÝPA
Við fjölguðum lokuðum kælum og spörum 25 – 35% af orku.
Er þetta gamla skyrdósin þín?
Plast sem fellur til á Granda fer til sprotafyrirtækisins Plastplan sem vinnur úr því nytjahluti sem aftur eru notaðir í rekstri Krónunnar. Fyrsta varan er þegar komin í verslanir, en það eru kassaskiljur.
VIÐ SJÁUM UM REST- Í ALVÖRU!
Í janúar 2019 voru tvö fyrstu afpökkunarborðin tekin í notkun í Krónunni, í Lindum og á Granda. Þar geta viðskiptavinir nú skilið eftir umbúðir og Krónan sér um að flokka þær og skila á rétta staði. Í lok árs 2019 voru þau komin í allar verslanir Krónunnar. Plast sem fellur til á Granda fer til sprotafyrirtækisins Plastplan sem vinnur úr því nytjahluti sem aftur eru notaðir í rekstri Krónunnar.
SÍÐASTI SÉNS
Mikilvægasta verkefnið okkar er að lágmarka alla matarsóun. Við viljum ekki henda neysluhæfum mat og því seljum við vörur sem eru komnar „á síðasta séns“ á lægra verði í „Síðasta séns” prógramminu okkar. Ef varan selst heldur ekki á lægra verði bjóðum við viðskiptavinum okkar hana frítt. Það er svo ekki fyrr en varan er orðin óneysluhæf að hún er flokkuð í lífrænan úrgang
Með þessum aðgerðum dróst matarsóun í verslunum okkar saman um rúmlega helming fyrsta árið. Á síðasta ári minnkaði matarsóun um 48% og 460 þúsund einingar voru seldar með afslætti.
…Í LÝÐHEILSU?
Við gáfum 364.800 ávexti
Árið 2019 gáfum við 364.800 ávexti í gegnum biti fyrir börnin.
Psst…. Einhverjir foreldrar kunna jafnframt að hafa laumast í ávaxtakörfuna enda aldrei gott að versla á tóman maga.
Söluaukning í ávaxta og grænmetisdeild er 66% meiri en í öðrum deildum
Til að leggja enn meiri áherslu á heilsuvörur í verslunum okkar fá nýjar verslanir stærri ávaxta og grænmetisdeild. Það hefur fallið vel í kramið og sala á ávöxtum og grænmeti, sem hlutfall af heildarsölu, eykst stöðugt á milli ára. Söluaukning í ávaxta og grænmetisdeild er 66% meiri en í öðrum deildum árið 2019.
Sala á skilgreindum heilsuvörum hefur aukist um 29% á milli ára.
SNARLAÐ AF HJARTANS LYST
Snarlið er eitt af samfélagsverkefnum okkar. Markmiðið með Snarlinu er að auka áhuga barna á hollri matargerð, bæði með matreiðslumyndböndum og ókeypis matreiðslunámskeiðum fyrir börn. Yfir 1.000 börn hafa sótt ýmis Snarl námskeið frá upphafi, flest með Ebbu Guðnýju Guðmundsdóttur. Árið 2019 héldum við grillnámskeið fyrir 180 börn með meistara kokkunum Hinriki Carli Ellertsyni og Fanneyju Dóru Sigurjónsdóttur. Námskeiðin eru þeim að kostnaðarlausu og hafa notið mikilla vinsælda. Á Snarlid.is og á YouTube síðu Snarlsins er að finna fjöldann allan af stuttum matreiðslumyndböndum fyrir börn, unglinga og alla sem eru að taka sín fyrstu skref í eldhúsinu.
Magn sykurs, mælt í grömmum á lítra, 11% lægra hjá Krónunni
Með breyttri uppröðun og breyttum áherslum í verslunum okkar hefur magn sykurs, mælt í grömmum á lítra drykkja, lækkað um 27% á fimm ára tímabili, frá 2015 til og með árinu 2019 hjá einum af birgjum okkar. Á árinu 2019 var magn sykurs, mælt í grömmum á lítra, 11% lægra hjá Krónunni en meðaltalið á matvörumarkaði
…Í UPPLÝSTU VALI?
MEÐ HOLLUSTUNA Á HEILANUM
Við erum með hollustuna á heilanum og tókum þá ákvörðun að hætta sölu á vörum sem flokkuðust sem „heilsuvörur“ á einangruðum stað í verslunum okkar og röðum hollari kostum við hlið annarra sambærilegra vara. Þannig eru lífrænu hafrarnir við hlið hefðbundinna hafra, sykurlausu tómatsósurnar við hlið þeirra með sykri o.s.frv. Ástæðan er einföld – við viljum einfalda líf viðskiptavina okkar og gera þeim kleift að taka upplýsta ákvörðun þegar keypt er í matinn.
KORTER Í 4
Klukkan korter í fjögur hringir síminn og fjölskyldumeðlimur spyr erfiðustu spurningar dagsins: „Hvað er í matinn?“ Til að einfalda líf viðskiptavina okkar og svara þessari spurningu setjum við fram nýja uppskrift alla fimmtudaga sem inniheldur einfaldan fjölskyldu mat. Hráefnin sem þarf í uppskriftina eru öll á einum stað í verslunum okkar svo auðvelt er að grípa með sér allt sem þarf til. Enda vitum við að fátt er jafn dásamlegt og að setjast niður og snæða heimalagaðan mat eftir annasaman dag. Þess vegna leggjum við okkar af mörkum til að auðvelda þetta verkefni og elda einfaldan, heimalagaðan kvöldverð sem allir í fjölskyldunni munu elska
MJÖG MJÖG MERKILEGT
Það getur verið frumskógur að átta sig á því hvort vörur uppfylla kröfur viðskiptavina hverju sinni. Með því að auka mjög við merkingar leitast Krónan við að styðja upplýst val.
EINFÖLDUM LÍFIÐ
Sem lið í því að einfalda líf viðskiptavina okkar settum við upp 43 sjálfsafgreiðslukassa á árinu. Þannig geta viðskiptavinir með fáa hluti farið hraðar í gegn. Hefðbundnir kassar eru ávallt opnir og geta viðskiptavinir valið hvort hentar hverju sinni. Við þetta breytist starf starfsmanna og verkefnin verða fjölbreyttari og skemmtilegri auk þess sem mögulegt er að auka þjónustugæðin. Í lok árs 2019 voru þá komnir 81 sjálfsafgreiðslukassar í Krónuna.
Markmið 2020
Sækja skýrslu