Yfir 300 viðskiptavinir Krónunnar aðstoða við val á styrktarmálefnum

– 8 milljónir veittar til góðgerðarmála

Góðgerðarstyrkur Krónunnar, sem veittur er fyrir jólin ár hvert, var í ár valinn með hjálp viðskiptavina Krónunnar á samfélagsmiðlum. Sérstök áhersla var á að styrkja félög sem sinna matarúthlutunum. Fá þau félög styrk í formi gjafakorta sem gefa skjólstæðingum félaganna kost á að versla sjálfir í matinn.

Yfir þrjúhundruðir viðskiptavinir tóku þátt í að tilnefna styrkþega og voru fjölmörg málefni tilnefnd. Í ár var því ákveðið að fjölga styrkþegum í tuttugu en í fyrra voru þeir fimmtán.

,, Krónan vill leggja sitt að mörkum til þess að gera öllum kleift að eiga gleðileg og áhyggjulaus jól. Síðastliðin ár höfum við fengið viðskiptavini til þess að aðstoða okkur við val á málefnum. Það var sérstaklega ánægjulegt að sjá hvað margir tóku þátt og greinilegt að hugur fólks er hjá þeim sem líða skort yfir hátíðarnar“ sagði Karen Rúnarsdóttir, markaðsstjóri Krónunnar við þetta tilefni.

Eftirfarandi aðilar fengu styrk í þetta sinn:

Downs félagið
Einstök börn
Fjölskylduhjálp
Frú Ragnheiður
Hjálparstarf kirkjunnar
Hjálpræðisherinn
Jólasjóður Fjarðarbyggðar
Konukot
Krabbameinsfélagið
Kraftur
Landakirkja í Vestmannaeyjum
Mæðrastyrksnefnd Akraness
Mæðrastyrksnefnd Hafnarfjarðar
Mæðrastyrksnefnd Kópavogs
Mæðrastyrksnefnd Reykjavíkur
Neistinn
Samferða góðgerðarsamtök
Samhjálp
Selfosskirkja
Velferðarsvið Reykjanesbæjar

 

Við spurðum – þið svöruðu – við gefum. ❤️ Takk fyrir að gefa ykkur tíma til að fylgjast með okkur og segja hvaða…

Posted by Krónan on Sunnudagur, 2. desember 2018